Wala makapugong ang kusog nga pagbundak sa ulan ning milabay’ng hapon sa gilusad nga anti-illegal drug buy bust operation sa mga operatiba sa City Drug Enforcement Unit kon CDEU.
Tungod ni-ini, nasikop ang usa ka suspetsado sa tigpayuhot sa ginadiling druga diha sa Kolambog, Brgy. Lapasan ning syudad sa Cagayan de Oro.
Naila ang dinakpan nga 31 anyos nga si Alfrail Mendillo alyas Alpatz, ulitawo nga pintor ug residenti ra usab sa maong lugar.
Napalitan sa gituhoang shabu balor 500 pesos ang suspek nga maoy hinungdan sa iyang pagka-aresto. Samtang nakaikyas ang kauban ni-ining nailhan lamang sa pangalang alyas “Ariel”.
Nakuha gikan sa posisyon sa suspek ang usa ka cellphone, buy bust item ug ang 500 peso bill nga ginamit isip buy bust money.
Detinado na ang suspek karon sa Maharlika Detention Cell samtang gihikay na ang kasong pagsupak sa Republic Act 9165.
Kasama mo sa CDEU, RadyoMaN Andy Coco, DXCC Tatak RMN!
