Malampusong nasikop sa mga operatiba sa City Drug Enforcement Unit kon CDEU ang usa ka pintor nga tigpayuhot sa ginadiling druga kagabie. Kini atol sa gilusad nga anti-illegal drug bust operation sa Centro Kolambog sa Brgy. Lapasan ning syudad sa Cagayan de Oro.
Naila ang dinakpan nga 22 anyos nga si Daniel Padrilanan alyas “Ars”, ulitawo kini nga pintor kung diin nagpuyo sa Purok 2, Mega Heights sa Brgy. Gusa ning syudad.
Napalitan ang maong suspetsado sa usa ka sachet sa gituhoang shabu balor 500 pesos nga maoy hinungdan sa pagka-aresto ni-ini. Atol sa pagrekisa, nakuha gikan sa posisyon ni-ini ang laing usa ka taas nga sachet sa gituhoang shabu ug ang 500 peso bill nga ginamit isip buy bust money.
Gibana-banang motimbang sa 0.4 grams ang tanang nakuhang shabu gikan sa suspek nga dunay street market value nga 2,500 pesos.
Detinado na karon ang suspek sa Maharlika Detention Cell samtang kasong pagsupak sa Republic Act 9165 kon Comprehensive Dangerous Drugs Act of 2002 ang giandam na sa CDEU raiding team nga ipasang-at ngadto sa korte.
Kasama mo sa CDEU, RadyoMaN Andy Coco, DXCC Tatak RMN!
