Manila, Philippines – Umani ng batikos ang aktres na si Gretchen Barreto at mga kaibigang sina Mimi Que at Patty Pineda.
Nabatid kasi na pinagtawanan nila ang isang letter sender na humihingi ng tulong kung saan parte ito ng wish-granting project ni Gretchen.
Say ng ilang netizen, hindi kaaya-aya ang ginawa ng tatlo bagaman at mali ang mga grammar ng letter sender na galing pa ng Surigao.
Dahil dito, umani ng iba’t-ibang reaksyon na ang karamihan ay nadismaya sa kanila dahil kung tutulong lang din naman daw, sana ay hindi na pinagtatawanan ang mga taong katulad ng taga-Surigao na nahihirapan.
Bagaman at humingi na ng paumanhin sina Gretchen at tinulungan ang letter sender, hindi pa din daw ito tanggap ng ilang netizen dahil parang hindi naman daw galing sa puso ang ginawa nilang pagtulong.
