*Tapaz, Capiz- Isa ka membro sang CAFGU sa banwa sang Tapaz ang arestado matapos nga ini ang nagsinggitan kadungan sang pagpalupok sang dala nga armasluthang mga takna 3:20 sang hapon sa Brgy. Lagdungan sa amo nga banwa.*
*Suno sa Tapaz PNP, hubog ang suspek nga si Remo Gelbaliga y Gemino, 40-anyos sang Brgy. Abangay Tapaz. Ini ang sakay sa motorsiklo upod ang isa man ka CAFGU member sang nagasinggitan kag nagapakilala nga ini ang is aka CAFGU kadungan sang pagpinalupok sang dala nga armasluthang.*
*Madasig ang mga ini nga nagpalagyo padulong sa Dumalag, apang likom sa ihibalo sang mga ini nagpatigayon na sang police checkpoint ang mga kapulisan sang Dumalag kabangdanan nga nagkaladakpan ang mga ini.*
*Natigayon nga marekober sa suspek nga si Remo Gelbaliga ang isa ka 9 .mm caliber pistol nga may magazine nga may tatlo ka wala makalupok nga bala kag dugang pa nga isa ka magazine.*
*Sa subong yara na nakahunong sa lock up cell sang Tapaz PNP ang amo nga persona.*
*tags:Visayas,Roxas,DYVR,DYVR657,Capiz,Tapaz,Cafgu*
