Ginpakakas ni South Cotabato Governor Elect Reynaldo Tamayo Jr., ang pipila ka mga aktibidad sa T`nalak Festival partikular na ang Charity Ball nga ang matipon nga pondo ang para sa Kabugwason Paglaum Scholarship Program sang provincial government .
Apang nagagwa suno pa nga mas daku ang magasto sa nasambit nga aktibidad kaysa sa matipon nga pondo base sa ginpatigayon nga pagsinapol sang transition team niya sa mga committee incharge sang T`nalak Festival.
Ginhatagan punto ni Governor Elect Tamayo nga magasto sang P1.4 million ang provincial government para sa amo nga aktibidad kag ang magenerate lamang nga pondo ang P400k.
Samtang sa subong ang nasambit pa lamang nga aktibidad ang nadesisyunan niya nga kakason kag kon ang iban nga indi man lang malugi ang probinsya ang magapadayon suno sa iya.
