Malaybalay City, Bukidnon – Lauman matud pa ang pipila pa ka bagyo nga musulod sa Philippine Area of Responsibility sa dili pa matapos ang tuig 2017.
Sa interview sa RMN Malaybalay ngadto kang Cesar Gabalez, ang head sa PAGASA-Malaybalay gibutyag niini nga siyam hangtod 14 ka bagyo ang gilauman sugod niadtong bulan sa Hulyo hangtod Disyembre.
Karong bulana matud pa lauman ang 2 ngadto sa 4 ka bagyo, usa ngadto sa 2 usab sa Oktubre, usa usab ngadto sa duha ka bagyo sa Nobyembre ug mao usab ang laumang nga gidaghanon sa bagyo karong bulan sa Disyembre.
Sa karon padayon matud pa nga masinatian ang epekto sa localized thurnderstomrs sa Bukidnon.
Nagpahimangno usab kini sa publiko nga kung makasinati na ug 1 ngadto sa duha ka oras nga walay undang nga pag-ulan nga magma-igmat tungod kay possible kining magmugna ug landslide ug pagbaha.
