Malaybalay City, Bukidnon – Gipahayag sa National Food Authority kon NFA Bukidnon nga aduna na silay namonitor nga adunay mga negosyanteng nagtaas sa presyo sa bugas sa probinsya.
Sa interview sa RMN Malaybalay ngadto kang Gil Tabor ang provincial manager sa NFA Bukidnon gibutyag niini nga sa iyang pagsubay sa kamerkaduhan sa Valencia City ug lungsod sa Maramag aduna nay epekto sa Train Law tungod sa pagtaas sa pipila ka commercial rice.
Matud ni Tabor nga nitaas ngadto sa 2 hangod 3 pesos kon P46 hangtod P48 ang kada kilo sa mga hybrid rice nga kaniadtong ana lamang kini sa P43 hangtod P44.
Hinoon nagpabilin ra ang presyo sa mga ordinary rice nga anaa sa P40 hangtod P42 ka kilo.
Una nang gipahayag sa Kilusang Magbubukid ng Pilipinas nga Mitaas na ang presyo sa bugas sa piso hangtod 3 pesos gumikan matud pa sa epekto sa Tax Reform for Acceleration and Inclusion (TRAIN) law.
Gibutyag usab sa NFA nga dili apil ang bugas ug ubang pang prime commodities sa Train Law apan tungod sa mga logistics nga gigamit niini sama sa equipment nga apektado sa pagtaas sa gasoline posibleng ma –apektuhan ug mutaas ang mga mga presyo sa mga commercial rice.
Gipahayag usab sa provincial manager nga wala silay control sa presyo sa mga commercial rice ug ilawom kini sa Department of Trade and Industry kon DTI.
Gipasabot ni Tabor nga focus lang sila sa NFA rice apan manggilabot usab sila sa mga commercial rice kung adunay anomalya. g Pilipin��w,M�-
