Wala gid naglaylo ang pipila ka mga drug personalities sa rehiyon dose sa illegal drug activities sini sa tunga sang COVID-19 pandemic kon basehan ang ila nga accomplishment suno kay Philippine Drug Enforcement Information Officer III kag Preventive Education and Community Involvement Section Chief Katryn Gaye Abad.
Samtang kon basehan man suno pa ang presyo sang illegal drugs partikular na shabu yara sa gihapon sa P5k tubtob P8k kada gramo nga makabig wala sang pagnubo sa supply sang ginadumilian nga droga sa rehiyon.
Ginpahayag man ni Abad nga nabudlayan lang ang mga drug personalities sa pagbyahe sang droga tungod sa ginapatuman nga restrictions sa rehiyon kag sa iban nga rehiyon.
May-angot sini, wala sila nagauntat sa pagpatigayon sang monitoring kag anti-drug operations sa pihak sang ginapangatubang nga pandemya.
Dugang pa niya nga nagapabor ang ahensya sa pagpanaug sang death penalty sa mga drug lords.
