Indi tanan nga eskwelahan sa rehiyon dose ang nag-umpisa sang klase kahapon nga adlaw partikular na sa probinsya sang Sultan Kudarat, suno kay Department of Education ukon Dep. Ed. 12 Regional Director Dr. Allan Farnazo.
Ini matapos nga nagpaggwa sang executive order ang gobernador sang nagligad nga semana nga paghold sa distribution sang modules kag naghingyo kay Presidente Rodrigo Duterte nga ipaiway ang klase subong nga school year sa probinsya tungod sa paandam sa gihapon sang COVID-19.
Samtang suno kay Dr. Farnazo may negosasyon naman sa local government unit nga magaumpisa sang klase subong nga semana.
Ginhatagan pa punto sang regional director nga sa ila nga bahin wala sang response ang iya pamunuan sa nasambit nga isyu tungod ang concern ang angot sa health protocols nga yara sa kamot sang Regional Inter-Agency Task Force.
Dugang pa niya nga naforward naman ang nasambit nga isyu sa central office sang Dep. Ed. kag yara na sa secretary ang pagresolber sa mas madasig nga panahon.
