> READ! Engr. Elmario Pejan, an nanguyo sa Building Inspection Division nan City Engineering Office nagpahimangno sa publiko kalabot sa substandard na mapalit na mga hollowblocks, kabilya ug GI sheets. Sumaya pa niini, angay na likayan an mga hollowblocks na hinimo ra sa kilid nan suba ra gumikan kay dili maradjaw an kalidad. Gani makit-an dajon na lipa ini kay kolor brown, posible na an taggamit sa pag-washing an tubig gikan sa kanal o suba. Lipa ini ug may kagaw, lakip na dili lig-on, dali ra mapulpog an hollowblocks. Ija tagrekomendar na kon kalidad na hollowblocks gikan sa Brgy. Ipil ug Anao-aon, kon iban na lugar na tinubdan, questionable na dajon. Dugang pa, an gikan isab sa Cabadbaran an may maradjaw na kalidad. Lakip na an iban na baligya na kabilya diri sa Surigao City an substandard isab, dili sakto an katas-on ug an kabaga. An iban na matud pa magpatukod nan panimayay o building an mag-order na lamang sa ila mga specifications sa sakto na kadak-on sa kabilya ug GI sheet kay kasagaran an mga ini sobra kanipis na. > > > > >
