Nagnegatibo sa druga ang gibana-banang usa ka libo ka mga anti-illegal drug operatives nga gipaubos sa surprise drug test sa Police Regional Office o PRO 10.
Kini ang malipayong gipahibalo ni PRO 10 Regional Director Police Chief Supt. Timoteo Pacleb.
Matud ni Pacleb nga kini nagpasabot nga nakakuha ang PNP og insaktong mga personahe alang sa maong trabaho ug angay lamang saligan.
Samtang gipasabot usab ni PRO 10 Spokesperson Police Supt. Surki Sereñas nga ang PNP Drug Enforcement Units usa ka special police unit diin ang mga personahe miagi sa estriktong selection process aron masiguro nga ang mabutang sa unit dunay maayong reputasyon ug kinaiya.
Mahinumduman nga ang surprise drug test gihimo sa PRO 10 Regional headquarters human sa First Anti-illegal Drugs Summit niadtong Hulyo 27.
