Malaybalay City, Bukidnon – Halos usa ka dumptruck nga mga basura nga naglangkob sa senina, plastic bottle ug uban pang sapot ang gipangkumpiska sa Bureau of Jail Management and Penology kon BJMP-Malaybalay atol sa gihimong Oplan Linis Piitan kon Oplan Greyhound.
Nasayran nga tumong sa mao nga operasyon aron malimita ang mga butang sa mga inmates aron dili kini makamugna ug sobrang kahuot sulod sa selda.
Sa interview sa RMN Malaybalay ngadto kang Malaybalay City Jail Warden Shodji Labis, gibutyag niini nga nalimpiyuhan gayod ang mga selda tungod sa mao nga operasyon.
Matud ni Warden Labis nga nakuha nilang kontrabando ang tabako, ug stainless nga mga kutsara nga hugot gibawal sulod sa selda.
Dungan niini nagpahimangno ang jail warden nga hugot gayod nga gidli sa selda ang shabu ug marijuana, bladed weapon sama sa kutsilyo, sundang, tabako ug sigarilyo nga nakalatid sa nationwide memorandum nga hugot nga nagdili niini.
