Giklaro sa Philippine National Police kon PNP region 10 nga wala pa silay opisyal nga listahan sa mga lungsod o siyudad sa rehiyon nga ipailawom sa election watchlist areas kon EWAS.
Sa interview sa RMN Malaybalay ngadto kang PNP 10 regional spokesperson Supt. Surki Serenias, gibutyag ninii nga adunay listahan kaniadto apan dili siya sigurado kung mao pa ba kaha kini karon.
Apan gibutyag niya nga kung basehan ang mga basehan sa pagdeklara sa EWAS sa usa ka dapit sama sa presensiya sa armadong grupo nga NPA, hugot ang political rivalry, posibleng mapailawom niini ang pipila ka lungsod sa Bukidnon.
Sa karon naghulat na lang daw sila sa ipatawag nga joint command conference tali sa COMELEC, AFP ug PNP aron makasuta kung unsa nga mga lungsod o siyudad ang ipailawom sa EWAS.
