Pipila ka Mayores nan Surigao del Norte tagdawat an Award sa Seal of Good Local Governance
Tagdawat nan pipila ka Mayores sakop nan Surigao del Norte an Award sa Seal of Good Local Governance. Sa Awarding Ceremonies na tagpahigayon sa Manila Hotel kahapon, an mga midawat sa pasidungog naglangkob sa Del Carmen, Sta. Monica, Mainit, Claver, Malimono, Sison ug Tubod.
Isa sa midawat sa award si Mayor Eddie Gokiangkee, an Presidente nan League of Municipal Mayors nan Surigao del Norte na kon diin tagpadayag niini an kalipay sa pagkilaya sa ila maradjaw na performance sa governance. Lakip an pagdawat nan P2 milyones na tagtakda gamiton an pondo sa pipila ka proyekto sa ila lungsod.
Dugang pa ni Mayor Gokiangkee, ikaduha na nila na nadawat an pasidungog ug naglaum sija na sunod tuig susama na pagkilaya an himoon sa ila lungsod.
