Ginkumpirmar ni South Cotabato Schools Division Supt. Ruth Estacio nga pagagamiton ang pipila ka mga eskwelahan sa probinsya bilang quarantine areas sang mga natalana nga magpauli nga mga stranded OFW`s kag mga residente sang probinsya nga naabtan sang lockdown sa iban nga lugar sa pungsod tungod sa paandam sang coronavirus disease 2019 ukon COVID-19.
Suno kay Division Supt. Estacio ang mga local government units nga nagrequest nga gamiton ang pipila ka eskwelahan sa ila nga lugar nga quarantine area amo ang banwa sang T`boli, Norala kag Polomolok.
Samtang ang tigayon na nga naaprobahan suno pa amo ang request sang LGU T`boli nga ang nag-aproba ang Dep.Ed. Regional director nga pagagamiton ang eskwelahan tubtob sa Mayo 30 lang.
Apang suno kay Maam Estacio may mga requirements nga i-comply ang mga LGU sa paggamit sa mga eskwelahan bilang quarantine area kapareho na lamang sang letter request sa schools division supt., compliance sa guidelines nga ginset sang Dep. Ed. Kag DOH kasubong sang regional ukon provincial DILG assessment , LGU certification nga wala na sila sang iban nga pasilidad nga gamiton, assessment sang local health officer kon bala angkop ang eskwelahan, may planned management, pagseguro sa kalimpyo kag kagamitan sang eskwelahan, pagsalo sang LGU sa tanan nga gasto kag iban pa.
