Pipila ka mga residente sa Hinterland Barangays namakwit gumikan sa presensya sa armadong grupo sumala ni Mayor Celso Regencia

*photo credits to LGU Iligan

Gikunpirma ni City Mayor Celso Regencia nga aduna nay mga namakwit sa pipila ka mga hinterland Barangays dinhi sa Iligan gumikan sa gikaingong presensya sa mga armadong gropo.

Hinungdan nga niadtung adlaw’ng domingo nangunay sa pagsaka sa kabukirang dapit sa iligan si Regencia kauban ang commander sa 51st Infantry Battalion aron susihon ang kahimtang sa nasangpit nga mga lugar.


Gipahayag ni Mayor Regencia atol sa flag raising program sa city hall kagahapong adlawa nga dili niya boot nga adunay mga dautang teroristang grupo nga makasulod dinhi sa dakbayan sa iligan.

Hinungdan nga iya gayud gipahugtan sa kasundalohan ang pagpahigayon ug checkpoints sa mga hinterland barangays aron pagbantay sa seguridad sa mga iliganon.

Facebook Comments