Davao City- Adunay panagbayluay o ‘exchange of people’ nga gihimo ang Davao City sa laing mga Local Government Unit (LGU) sa mga stranded nga mga indibidwal.
Matud ni Davao City Mayor Sara Duterte nga ubay-ubay na ka mga non-residents sa Davao nga na-stranded dinhi sa dakbayan ang gihatod sa ilahang mga lugar.
Sumala niini niadtong Miyerkules, lima ka mga residente sa Davao Oriental ang nakauli na ug duha usab ka mga residente ang nakulgot didto ang nakauli usab og Davao.
21 ka mga taga-Davao Occidental ang nahatud niadtong Huwebes ug sa adlawng Biyernes 80 ka mga taga-Davao Oriental samtang 25 sa Davao Occidental ang nabyahe na.
“Usually ang mahitabo man gud kay naga exchange ta og mga stranded. Dunay stranded na Davao City resident sa ilahang lugar, dunay stranded gikan sa ilahang lugar (nga naa) dinhi sa Davao City.”
Sumala sa mayor adunay niabot gikan USM upat kabuok, sa Oriental pito kabuok ug 17 kabuok gikan sa Mindanao State University.
Tugutan na ang mga taga-Davao nga nangastranded sa nagkadaiyang parte sa Mindanao nga makauli’g Davao bisan pa man nga naka-private vehicle apan lauman nila nga mupailawom sila og 14-day quarantine ug screening sa Coronavirus Disease 2019 (COVID-19) sa City Health Office.
RadyoMaN Aimee Guinita
