Pipila ka pasahero miapas sa pagbiyahe para makaiban an pamilya sa pagsaulog sa Pasko Moabot sa kapin kon kuyang 50 ka mga pasahero an miapas sa pagbiyahe kaganina suyod sa Surigao Integrated Bus and Jeepney Terminal sa tinguha na makaiban an tagsa-tagsa ka pamilya sa pagsaulog sa Pasko. An amo na mga pasahero an pasingod ngadto sa lain-laing lugar sa Caraga Region pareho sa Surigao del Sur, Cabadbaran, Butuan City, Davao, Cagayan de Oro ug iban pa. Tag-angkon nan mga pasahero na pipila ka oras sila nan a-delatar sa pagbiyahe resulta kay kuyang an mga bus sa Bachelor Express na mibiyahe lakip sa mga driver ug conductor niini. Tag-angkon nan kadagkuan sa amo na bus, tinuod na naglisod sila ganina buntag sa pag-accommodate sa maarang na pasahero resulta sa gamay ra an nobalik sa pag-duty nila na mga driver ug conductor, hinoon nahatagan ra nila ini nan solusyon ug nakabiyahe ra an mga natanggong na pasahero. An iban na waya na makahuyat sa Bachelor Express an nosakay na lamang sa mga Van na nagbiyahe.
