Nakaeksperyensya sang pagbaha ang Purok Bayog, Brgy. New Iloilo, Tantangan tungod sa madamo nga tubig halin sa Bulok Creek dire sa syudad sang Koronadal.
Gilayon naman nga nagrespondir kag coordinate ang PDRRMO personnel sa MDRRMO Tantangan tungod sa insidente sang pagbaha sa nasambit nga lugar.
Nagpatigayon man ang PDRRMO kag MDRRMO team sang RDANA kag monitor sa nasambit nga lugar.
Magluwas sa Tantangan nakaeksperyensya man sang pagbaha ang pipila ka purok sa Brgy. GPS, Sta. Cruz kag iban pa sang Koronadal City tungod sa pagbubo sang ulan kahapon nga adlaw.
May-angot sini, ginaadvisan ni OIC PDRRMO Action Officer Rolly Aquino ang publiko kag disaster risk reduction and management sa city kag munisipalidad nga padayon nga mag-alerto ilabi na kon malain ang panahon ukon may pagbubo sang ulan.
