Wala naggana ang pipila ka SD card para sa VCM ang naencounter nga problema sa ginpatigayon nga final testing and sealing kahapon nga adlaw dire sa probinsya sang South Cotabato partikular na sa mga banwa sang T`boli kag Banga. Ini ang nangin kumpirmasyon nanday T`boli Comelec Officer Nemia Española kag Banga Comelec Officer Ma. Dorothy Losa.
May-angot sini, nadelatar nga natapos ang ginpatigayon nga FTS kahapon nga adlaw sa nasambit nga mga banwa tungod kinahanglan pa nga nga i-reconfigure ang SD card sa regional office sang Comelec sa bahin sang General Santos City.
Samtang ginkumpirmar naman sang mga Comelec Officers sang Lake Sebu, Tampakan, Tantangan, Norala kag Sto. Niño nga wala naman nag-aberya ang VCM kag nagproblema ang SD card sa ila nga AOR sa ginpatigayon nga final testing and sealing kahapon nga adlaw.
Ang FTS ang ulihi nga proseso sang Comelec agud nga i-check kon kumpleto kag indi problemado ang VCM nga gamiton sa Lunes nga adlaw nga pagpiniliay.
Magapabilin naman sa mga polling center ang mga VCM kag pagabantayan sang mga katapo sang kapolisan kag militar tubtob sa Mayo 13.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
