TACLOBAN CITY – Pira la nga mga senior citizen ha sinirangan bisayas an nabakunahan han Immunization Program han gobyerno.
Sumala kan Elaine Joy Villarosa, DOH National Immunization Program Manager, ginbabaliwaray han mga senior citizen an immunization program bis pa man waray ini bayad ngan available ha mga Rural Health units.
Dugang ni Villarosa, kinahanglan han mga kalagsan an bakuna tungod nga makakabulig ini para malikayan iton magkadurudilain nga sakit ilabi na ha ira edad.
Sumala han DOH, makakabulig liwat an kampanya han Local Government Unit para han pagpa-bakuna.
An immunization ha mga kalagsan in para makontra an pneumonia ngan flu nga komon nga sakit para ha nag-eedad 60 anyos tipa-igbaw.
Kada tuig, mayada 65, 000 doses han anti-flu vaccines ngan 10, 000 doses han anti-pneumonia vaccines an DOH Region 8.
Naghihingyap an buhatan ha panlawas nga maturukan han bakuna an 814, 554 nga senior citizen ha rehiyon.
