Way epek sa transportasyon sa Sugbu ang gilusad nga protesta sa Pinagkaisang Samahan ng mga tsuper at Operator Nationwide –Cebu karong adlawa.
Si Konsehal Dave Tumulak sa dakbayan sa Sugbu nihulagway nga pakyas ang PISTON-Cebu sa pagparalisar sa transportasyon sa syudad , tungod kay gamay ra sa ilang mga kauban ang nisalmot sa kalihukan.
Ang ubang transport groups sa Sugbu sama sa Citrasco ug NCTU-Visayas wa usab mosuporta sa welga .
Tungod kay normal ang gidaghanon sa mga puj nga padayong nibyahe wa na makadeploy ang Cebu City Hall sa giandam nga 15 ka Kaohsiung bus , 20 ka V-Hire vans ug 10 ka Ceres Bus nga giandam kung magkalisod sa pagsakay ang mga pasahero .
Ang PISTON nipahigayon ug protesta batok sa modernization plan sa transportasyon sa nasud diin kadtong mga karaan na nga puj kay nag edad na ug 15 anyos ug pataas di na bag-ohan sa ilang prangkisa .
