Davao City – Subay sa nationwide transport strike alang sa pagsupak sa jeepney modernization, naglusad og picket rally ang transport sector karong adlawa sa may Mc Arthur Balusong Matina, Davao City.
Sumala ni Larry Arguilles, Secretary-General sa Transmission Piston, tubag kini sa mga drivers sa Davao sa wala pagpahigayon og strike dinhi sa syudad.
Panawagan sa grupo nila Arguilles nga ang win-win solution sa maong mulo mao ang dili pag phaseout sa mga PUJ bisan duna nay mag operate nga High Priority Bus System (HPBS).
“Kung maphsase out (ang mga PUJ) ma displace ang atong mga drivers, asa man sila paingon? Madugang napod sila sa 6 to 9 million Filipinos nga walay trabaho,” segun niini.
Pagpasabot ni Arguilles nga dili susama sa national ang mahitabo sa Davao sama sa pagmodernisar lang sa sakyanan inay phase out kun walaon gayud – butang nga ilang gikabalak-an.
Dugang ni Arguilles nga dili kaya sa operators ang pagbayad sa nagkantidad nga P7M-P13M nga modern buses bisan pa man dunay kooperatiba nga ihanyag ngadto kanila.
Sa pikas bahin, andam ang Davao City Police Office (DCPO) nga muhatag og seguridad sa gipahigayong rally.
Matud ni DCPO Spokesperson Capt. Nolan Tagsip nga dunay 300 ka mga personahe ang naka standby.
RadyoMaN Jason Amisola
