Davao City-Gidumog sa mga Davaoeño ug mga bisita ang highlight sa Kadayawan kagahapong adlawa, Agosto 20 diin nalingaw sila gawas sa kada tuig nga floral float parade, duna sab bag-o sa ilang mata ug pandungog nga mao ang Pitik Kadayawan.
Dili lang ang mga manan-aw ang nalingaw ug nalipay, lakip na ang mga miapil sa Pamulak sa Kadayawan ug Pitik Kadayawan ilabi na kadtong mga midaug.
Nauli sa Mati Drum Beaters sa pinaka-unang Pitik Kadayawan ang grand prize nga 200, 000 pesos samtang naadto ang 2nd prize sa El Ritmo Drum Beaters- 150,000 pesos gani 3rd prize ang nasungkit sa Landan National High School Performing Arts Group- 100, 000 pesos gani nauli sab nila ang and Deportment award, wala sab nagpaiwit ang Manay National High School alang sa 4th prize- 50,000 pesos ug nauli sa Tambolistas Surigao ang 5th prize- 50,000 pesos.
Nagapanindot sab ang mga dekorasyon kada tuig sa mga naga-apil sa Pamulak sa Kadayawan gani nakuha sa International Pharmaceuticals, Inc. ang grand prize nga 700,000 pesos sa Big Float Category, 2nd prize ang nakuha sa 8990 Housing Development Corporation- 500,000 pesos samtang nasungkit sa Alorica ang 3rd prize nga 300,000 pesos gani duna sab consolation prizes alang sa SnR ug iQOR diin nauli niini ang 50,000 pesos matag usa.
Samtang sa Lahi kun Alternative Float Category, gideklarang Grand Winner and Davao Horse Club diin nauli nila ang grand prize nga 100,000 pesos, 2nd prize ang Tahawrog Tribe Ancestral Domain- 50,000 pesos samtang 3rd prize ang Poochi Poochi Group – 30,000 pesos.
Sa Small Float Category, nauli sa Palawan Pawnshop & Palawan Express Pera Padala ang grand prize nga 300,000 pesos, 2nd prize sa Department of Education Davao Division- 200,000 pesos ug nasungkit sa Philippine Extreme Volunteers Association ang 3rd prize nga 100,000 pesos.
Laumang makadani og daghang turista ang maong mga kalihokan alang sa sunod nga selebrasyon sa Kadayawan.
Kasamang Renelyn Barbarona
