General Santos City–Positibo si Gensan City Councilor Jeng Gacal, committee chairman sa Committee On Finance nga makaya pa sa syudad nga gastuhan ang 14 ka adlaw nga quarantine period sa tanang LSI ug ROF nga manguli.
Pagpaklaro niya nga kung sulod lang sa pito kaadlaw ang isolation period nga ihatag sa syudad ug papaulion na para sa home quarantine, walay kasiguraduhan nga mutuman gihapon ang mga LSI sa tanang protocol.
Gigayon matud pa nga adunay mga magpositibo, mas dako kining risgo alang sa syudad gumikan mas daghan ang kinahanglang ikonsidera.
Dugang pamahayag ni Kag. Gacal nga sakto lang nga sa mga Pension House ibutang ang tanang mga LSI ug ROF kung asa sila ang mabantayan gyud pinaagi sa mga ginabutang nga mga personahe sa kapulisan.
Pinaagi matud pa sa pagbutang kanila sa mga isolation facility, mas dali ang pagpahigayon ug contact tracing higayon nga sila magpositbo sa virus.
Alang kaniya nga usa ka maayong ideya ang pagmugna ug barangay isolation unit, apan dili siya kumbinsido nga kayang bantayan sa barangay ang tanang LSI ug ROF nga anaa sa ilahang kustudiya.(LVR)
