Pito na ka banwa sang Probinsya sang Iloilo lakip na ang siyudad sang Passi ang apektado sang mga peste nga rice black bugs.
Ini ang ginpahayag ni Elias Andig Jr., ang Provincial Rice Coordinator base sa ila monitoring.
Ang mga banwa nga apektado sang nasambit nga peste amo ang San Dionisio, Concepcion, Sara, Ajuy, Banate, Lemery kag siyudad sang Passi.
Sa pihak sini, ginpahayag ni Andig nga wala sang daku nga kahalitan ang rice black bugs bangud wala man sang madamo nga pananum nga humay bangud apektado man sang el Ninio Phenomenon ang mga talamnan.
Subong man magapadayon suno kay Andig ang light trappings agud matapna ang labi nga paglala sang pag-atake sang mga peste sa humay.
Facebook Comments
