Roxas City, Capiz – Magapangatubang sang kaso nga paglapas sa Presidential Decree 1602 ukon Anti-Gambling Law ang pito(7) ka mga kababainhan nga nagkaladakpan sa akto nga naga-mahjong kag tong-its sa Sitio Luyo, Barangay Culasi, Roxas City.
Natigayon ang amu nga operasyon paagi sa bulig sang mga membro sang Provincial Anti-Criminality Team(PROACT) sang Capiz PPO sa pagpamuno ni Police Major Francisco Paguia kag mga katapo sang Roxas City Police Station kag CIDG- Capiz.
Diri natigayon nga madakpan ang mga persona nga nakilala kanday Viviana Dequito; Maria Riza Escoban; Rosalie Rubio, 48- anyos; Marlyn Moleño, 60- anyos; Elvira Candelario, 52- anyos; Ailyn Erandio, 41- anyos kag Michelle Rosel.
Natigayon naman nga marekober sa mga ini ang mga lamesa, baraha, cellphone, taya sa mahjong nga balor 1,452 pesos kag 320 pesos nga taya naman sa tong-its.
Suno kay Melecides Ariz, Chief Tanod sang Barangay Culasi, nag-responder lamang sila sa amu nga lugar matapos nga nakig- angut sa ila ang mga katapo sang operatiba para nga magsaksi sa amo nga operasyon agud dakpon ang mga persona nga nagasugal sa nasambitan nga lugar.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
