Pagadian City—–Pito gyud ka mga panimalay ang naugdaw human mahitabo ang usaka dakong sunog alas 12:18 ang takna sa udto niadtong sabado nga adlaw sa Purok Sweetrose Barangay Dumagoc ning siyudad sa pagadian probensiya sa Zamboanga del Sur.
Sumala pa ni City Fire Marshall Edgar Quitoy, nga ang pito ka mga panimalay gipanag-iyahan nilang Bedala Cosgapa, Noel Aranas, Isabelo Belen, Rey Belen, Teresita Belen, Fernando Belen ug Benjarmi Belen.
Sa inisyal nga damyos moabot ngadto sa 250 thousand pesos wala pay labot ang mga sakyanan nga apil sa pagkasunog sama sa motor ug traysekil diin migawas usab sa ilang imbestigasyon nga gikan sa panimalay ni Bedala Cosgapa ang kalayo.
Nagpasalamat usab ang Bureau of fire protection ning siyudad tungod sa gipakitang panaghiusa ug tinabangay sa katawhan sa lugar pinaagi sa pagpasaka sa mga balde nga adunay sulod nga tubig.
Human sa 30 minutos nilang kombati sa kalayo ilaha sab dayon nga gideklarang fire out ang tungod usab sa tabang sa mga dagkong tangker sa tubig nga iya sa Pagadian City Water District.
Tungod sa kakusog sa hangin midabok na sa pikas nga kalsada ang kalayo ug adunay mga panimalay usab ang nasunog apan dali kining napalong, wala usay gikatahong adunay kinabuhi ang naangin. Mel Coronel/dxpr News Team
