Pito ka staff sa Mayor’s Office sa Tupi, nagpositibo sa COVID-19, Brgy. Poblacion gi-lockdown

Gipailawom na sa lima kaadlaw nga Enhanced Community Quarantine ang Brgy.Poblacion, Tupi, South Cotabato sugod kagahapong adlawa Oktubre 23 ngadto na sa Oktubre 27,2020.
Kini human nakatala ug 18 ka mga bag-ong nagpositibo sa COVID-19 ang maong barangay.
Matud niTupi Mayor Romeo Tamayo sa iyang buhatan mismo nagagikan ang virus tungod pito sa mga staff niini ang nag-positibo.
Samtang, gikumpirma ni Mayor Tamayo nga negatibo siya sa COVID-19, apan nagapabiling nga naka-quarantine.
Nagtuo ang Mayor nga nakuha sa mga empleyado niini ang virus sa mga nagapangayo sa ilang buhatan ug ayuda, travel pass ug uban pa.
Hangyo lang niini sa katawhan sa lungsod sa Tupi nga dili i-discriminate ang mga empleyado sa munisipyo human nga nakasinati na ang mga nasangpit. Sa karon matud pa padayon ang operasyon sa pipila kabuhatan sa LGU-Tupi.

Facebook Comments