Mga sementeryo sa Sarangani, Butangan ug mga Police atol sa kalag-kalag

Sarangani Province– Andam na ang kapulisan sa Sarangani Province sa ilahang pagbantay sa mga menteryo sa pito ka munisipyo sa maong probinsiya karong umaabot nga kalag-kalag.
Nasayran nga temporaryo usa nga ipasirado ang mga pampubliko ug pribadong menteryo sugod karong Oktubre 29 hangtod na sa Nobyembre 4 sa tumong aron malikayan ang pagkuyanap sa corona virus.
Sumala ni Sarangani Police Provincial Director, Police Colonel Michael Lebanan, nga dunay 18 ka menteryo ang pito ka munisipyo sa maong probinsiya kung asa butangan nila kini ug 18 usab ka Police Assistant Desk ingon man ang mag deploy sila ug tropa sa kapulisan sa mga menteryo aron maseguro nga walay makasulod nga mga tawo atol sa kalag kalag.
Siguruhon usab sa kapulisan nga mamintinar ang kahapsay ug kalinaw sa matag lugar pinaagi usab sa tabang sa uban pang mga force multipliers sama sa BPATS, Barangay tanod, traffic enforcers ug uban pa.
Dugang pamahayag sa opisyal nga ilang ipatuman ang mga polisiya sa inter agency task force nga kung dunay ilubong panahon sa kalag-kalag kinahanglan sundon sa mga tawo ang mga health protocols hilabina nga anaa karon sa panahon sa pandemya ang tibuok nasud.(RV)

Facebook Comments