General Santos City— Malampusong nadakpan sa mga personahe sa Police Station 7 ang pito ka mga suspek sa pagpatay sa langyaw nga si Frank Cruz, 73 antos nga temporaryong nagpuyo sa Congson Residence, Brgy. Bula ning dakbayan.
Sumala kang Police Senior Inspector Fernando Manuel Jr., hepe sa Police Station 7 nga ang pito ka suspek ang gilangkuban sa upat na nga menor de edad ug tulo ka mga hamtong lakip ang suspek nga si Lito Sumod-ong nga una ng nadakpan kagahapong adlawa tungod sa pagpanghold up.
Giila niini ang mga dinakpan nga mag-amahan nga silang Weng Borja ug Herley Borja kung asa ang mga nasangpit ang nadakpan sa Kawas, Alabel ug pahawaay na aron unta sa pagsibat padulong Pagadian.
Samtang ang mga menor de edad ang nakatakda nalang i-turn over ngadto sa CSWDO ning dakbayan gumikan sa partisipasyon sa maong krimen. Dugang pamahayag ni PSI Manuel nga basi sa pagsaysay sa mga suspek, kwarta ang hinungdan sa ilahang pagpatay sa biktima human nga wala mahatag ang ilahang gusto pinaagi sa pag-extort. Nerekober man usab sa panimalay ni Sumod-ong ang managlahing ATM CARDS ug ID sa biktima.
Ang maong manhunt operation ang giphigyon human sa pag-angkon ni Sumod-ong nga aduna siya’y gipatay ug gilubong sa MC Village, Brgy. Fatima ning dakbayan.
