Davao City – Sikop sa buy bust operation Sta. Ana PNP mao sila Elbert Tanjele, alias Bael, 29 anyos, vendor, Jeremiah Jamisola, 23 anyos, construction worker, Lauryn Mae Jamisola, 18 anyos parihong residenti sa Purok 4 Mabini, Boulevard siyudad sa Davao, dakpan usab ang tulo nga nag-pot session sila Irene Edillo, 18 anyos, Yolanda Dalmacio, 19 anyos ug usa ka minor de edad alias “Jen” parihong nagpuyo sa Purok 2, Brgy. 76-A Bucana, Davao City.
Sumala pa, napalitan sa kapolisan ang mga suspek og usa ka pakete sa shabu kambiyo ang P500.00 nga buy bust money, samtang narekover usab ang laing usa ka sachet ug nakumpiska ang mga illegal drug paraphernalia sa possession nila Elbert Tanjele ug Jeremiah Jamisola.
Wala ka bantay ang unom ka suspek nga mga sakop sa awtoridad ang ilang gikatransak resulta sa pagka-aresto.
Mga dinakpan naapil sa drug watch list subay sa monitoring sa kapolisan ug mag-atubang sa kasong kalapasan sa Rep. Act 9165 kon Comprehensive Dangerous Drugs Act of 2002.
Samtang preso sa Sasa Police Station ang usa ka Danish national nga si Joseph Ginzel, 35 anyos, IT expert, human gipiyait sa iyang gisugo sa pagpalit og illegal drugs.
Matud sa gisugo nga nagsilbing complainant mao si Junilito Gomez, 29 anyos, taga-Agusan del Norte, nga gipapalit siya sa langyaw og droga sa kantidad 20 mil pesos ug kung makapalit hatagan siya og dos mil pesos isip bugti.
Tungod niini, nagpatabang si Gomez sa security guard sa condo sa Sasa kung asa nag-istar ang lagyaw alas 11:00 sa gabii.
Daling nangayo og police station ang gwardiya ug gipadakop ni Ginzel.
Pag-abot sa police station nangulipas ang Danish National sa pasangil ni Gomez apan gidetinar lang gihapon tungod kay hubog kini.
RadyoMaN Don Pulayao, RadyoMaN Joel Viray
