Davao City – Balhug sa prisohan ang pito ka mga indbidwal atol sa gilusad nga buy bust operation sa Purok Orange Valley, Barangay South, Tagum City alas-8 sa gabii gahapong adlawa.
Matod sa rekord sa Police Regional Office XI (PRO-XI) napalitan og gituohang shabu si Louie Sanchez Diaz alyas Taweng, 38 anyos gamit ang 500 pesos buy bust money.
Samtang naaktuhan sab sa kapulisan nga nag pot session mao sila si Lary Navarro Plaza, 38 anyos nga taga Barangay 23-C Davao City, Ernesto Dijeno Tampus, 51 anyos nga taga Purok 15-A, Bugac Ma-a, Davao City, Dirk Benedict Adlao Diaz, 32 anyos residente sa Purok 2-A, Barangay Canocotan, Tagum City, Elmer Seminiano Dula-Ogon Sr.,54 anyos nga taga Curvada, Poblacion 1, Basalan, Davao Del Sur, Cherry Ann Maduay, 26 anyos nga taga Purok 2-A, Poblacion Monkayo, Compostela Valley Province, Rommel Sanchez Pasco, 42 anyos nga taga Purok Maharlika, Mangga, Visayan Village, Tagum City.
Nakuha sa mga dinakpan ang usa (1) ka sachet sa gituohang shabu residues, usa (1) sachet sa gituohang shabu, usa (1) ka improvised Tooter ug uban pang drug paraphernalia.
Ang mga dinaklpan mag atubang og kasong kalapasan sa RA 9165 kon Comprehensive Dangerous Drugs Act of 2002 samtang ang mga nakumpiska nga droga anaa na sa TAGUM CPS alang sa forensic examination ug proper disposition.
RadyoMaN Abi Bibera
