NEGROS ORIENTAL. Nasamaran ang pito ka mga trabahante sang isa ka construction company matapos nga ang ila pick-up nga ginasakyan ang nakabunggo sa kilid sang taytay sa national highway sa Brgy. Tapon Norte, San Jose, Negros Oriental pasado las 2 kahapon sang kaagahon.
Ginpahayag sang Negros Oriental Provincial Police Office ang mga biktima ginkilala nga sanday Eliezar Painagan Genzon, 33, sang Bacong; Clan Rante Menot, 31, sang Bayawan City; Arnold Tulabing Palomar, 21, sang Bais City; Armelo Cay sang Dumaguete City; Rene C. Gerona, 47, sang Bayawan City; George Morte, 47, sang Dauin kag Danilo Mananquil Samoren, 44, sang banwa sang San Jose tanan sang Negros Oriental.
Base sa inisyal nga pag-pangusisa sang pulis, naga-gwa nga ang pick-up nga gina-maneho ni Genzon ang nagadalagan sa sur nga direksyon sang hinali nga nag-baylo ang direksyon sang pick-up gani ini ang nakabunggo sa concrete nga railing sang taytay kag sa tubo sang water supply sang amo nga banwa.
[image: image.png]
