*General Santos City— Hingpit ng napasakaan ug kaso ang pito ka mga suspek sa nahitabong pagpamomba sa Isulan, Sultan Kudarat, milabay’ng Setyembre 7 kung asa pito ang samdan.*
*Sumala kang Police Lt. Col. Lino capillan, tigpamaba sa Police Regional Office 12 nga kasong multiple frustrated murder ug multiple attempted murder ang gipasaka sa mga nahisgutan.*
*Dugang pamahayag ni Police Lt. Col. Capillan nga upat matud pa sa mga suspek ang anaa sa kustudiya sa Sultan Kudarat Rovincial Police Office usa ang anaa sa Gensan City Police Office samtang duha ka mga suspek ang nagpabiling gawasnon.*
*Lakip usab sa ilahang gina-imbestigahan mao ang posibleng mga kaubanan pa sa mga nahisgutan nga silang Normia Camsa, Abedin Camsa, Norshiya Camsa, Kamlon Camsa ug swedish national nga si Hassan Agkun.*
*Mas gipahugtan na matud pa ang agbantay sa siguridad sa mga psilidad kung asa nabutang ang mga gikonsiderang mga terorista. sKalabot niini, ginasuta pa sa otoridad kung adunay mga pending nga kaso ang mga dinakpan.*
*Pamahayag ni Police Lt. Col. Capillan nga lakip sa ilahang ginatun-an ang posibleng alyansa sa mga nahisgutan ngadto na sa uban pang grupo sama sa teroristang Bangsamoro Islamic Freedom Fighters kon Biff nga naga-lihukan sa Maguinbdanao.*
