Laing pito na usab ka mga miyembro sa communist terrorist group (CTG) ang nagsurender sa Sultan Kudarat subay na usab sa kumpirmasyon ni Western Mindanao Command Chief Lt. Gen. Corleto Vinluan, Jr. Matud kang Lt. Gen. Vinluan ang upat ka mga nisurender ang gikan sa Platoon My Phone, East Daguma Front (EDF), Sub-regional Command (SRC) Daguma, Far South Mindanao Region (FSMR).
Giila niini ang mga nahisgutan nga silang si alyas Jaypee, Alyas Bert, susamang residente sa Brgy Kuden, Senator Ninoy Aquino, Sultan Kudarat; alyas Romel ug alyas Andel, parehong residente sa Sitio Tudi, Barangay Legodon, Esperanza, Sultan Kudarat. Samtang ang tulo ang gikan sa Larangan Guerilla Unit 3 (LGU3) nga giilang silang alias Ariel ug alias Bebeng, pulos residente sa Barangay Lagubang, Senator Ninoy Aquino, Sultan Kudarat; ug Daniel Policia, residente sa Barangay Midtungok sa maong lungsod.
Matud ni Vinluan nga ang pagsurender sa maong mga miyembro sa komyunistang grupo ang resulta sa pagpaningkamot sa hiniusang pwersa sa 7th Infantry Battalion ug intelligence units. Apil usab sa mga gisurender sa maong mga personahe ang M14 US rifle, usa ka Garand US rifle, 1 Carbine Caliber, 1 ka unit sa Carbone Caliber, Sniper rifle, 1 ka Caliber 30 M1 Garand rifle, 1 ka Caliber 45 pistol, ug .357 revolver. Nagdesisyon matud pa ang pito nga mosurender gumikan matud pa sa kalisod nga ilang nasinatian gumikan sa padayon nga paglikay sa mga tropa sa gobyerno sa higayon nga adunay engkwentro.
