Pito pa ka miyembro sang communist terrorists nagsurender sa militar sa Sultan Kudarat.

33

Pito pa ka panibag-o nga mga miyembro sang communist terrorist group (CTG) ang nagsurender sa Sultan Kudarat sang Nobyembre 28 subong nga tuig base sa kumpirmasyon ni Western Mindanao Command Chief Lt. Gen. Corleto Vinluan, Jr.
Suno pa kay Lt. Gen. Vinluan ang apat ka mga nagsurender ang halin sa Platoon My Phone, East Daguma Front (EDF), Sub-regional Command (SRC) Daguma, Far South Mindanao Region (FSMR).
Ginkilala niya ang mga ini nga sanday Bryan Berallo Bransuela, a.k.a. Jaypee, Julito Blag, a.k.a. Bert, pareho residente sang Brgy Kuden, Senator Ninoy Aquino, Sultan Kudarat; Romel Manguda, a.k.a. Romel kag Justie Mayao, a.k.a. Andel, pareho naman residente sang Sitio Tudi, Barangay Legodon, Esperanza, Sultan Kudarat.
Samtang ang tatlo nga iban pa nga former members ang halin sa Larangan Guerilla Unit 3 (LGU3) sang EDF kag ginkilala ang mga ini nga sanday Joselito Kantem, a.k.a. Ariel kag Bebeng Dimaog, lunsay residente sang Barangay Lagubang, Senator Ninoy Aquino, Sultan Kudarat; kag Daniel Policia, residente sang Barangay Midtungok sa nasambit nga banwa.
Ginpahayag ni Vinluan nga ang pagmadinalag-on sa pagsurender sang nasambit nga mga miyembro sang komunista nga grupo ang tungod sa pagtinguha sang gintingob nga pwersa sang 7th Infantry Battalion kag intelligence units.
Lakip man sa ginsurender sang nasambit nga mga persona ang M14 US rifle, 1 ka Garand US rifle, 1 Carbine Caliber, 1 ka unit sang Carbone Caliber, Sniper rifle, 1 ka Caliber 30 M1 Garand rifle, 1 ka Caliber 45 pistol, kag Caliber .357 revolver.
Suno pa nagdesisyon ang pito nga magsurender tungod sa kabudlay nga ila nga naagyan bangud sa nagapadayon nga military operations.
photo by: Westmincom

Facebook Comments