General Santos City— Giangkon ni Police Senior Superintendent Raul Supiter, City Director sa Gensan City Police Office nga gikan sa iyahang pag-lingkod niadtong Marso 23 hangtud na Abril 16, aduna silay 13 ka mga kaso sa pagpamusil nga naitala.
Napulo matud pa niini ang patay samtang unom ang samdan, apan iyahang gipaklaro nga pito na nasulbad human nga ma-file ang kaso sa korte gumikan identified man ang mga suspek.
Karong semanaha, iyahang gilauman nga adunay upat ka kaso ang masulbad kung asa duha nalang ang magpabiling under-investigation basi na usab sa pamahayag sa mga Chief Of Police.
Samtang sa hisgutanang posibleng adunay liquidation squad sa dakbayan, gibutyag ni Col. Supiter nga wala pa siya’y nadawat nga unsa mang impormasyon kabahin niini.
Kung asa iyahang gihingusgan nga dili niya i-tolerate ang maong binuhatan hilabina nga sagad sa mga biktima mao ang mga miyembro sa CICL kon mga batang sukarap. Pagpaklaro niya nga unsa pa man ang background sa mga biktima, kinahanglan gyud nga sila mahatagan ug hustisya.
