Davao City – Walay kamatuoran ang pagduda sa katawhan nga planado sa police ang pagpatay sa rape suspect nga nahitabo sulod San Pedro PNP niadtong milabayng adlaw sa buntag.
Subay sa pamahayag ni Police Chief Inspector Benkalin Baluan, San Pedro PNP Station Commander nga wala sila malipay sa maong hitabo.
Matud ni Baluan nga wala silay katungod nga mukutlo sa kinabuhi sa usa ka detinado gani dili operatives ang nakapusil sa maong suspect ug usa ka sakop sa Women and Children’s Protection Desk kon WCPD ang nakapusil niini.
Giingon ni Baluan nga self defense ang gihimo ni Police Office 1 Ayao rason nga nakailug og armas ang suspek.
Dugan ni Baluan nga duna siyay lakang nga himuon sa iyang buhatan aron wala nay mga pagduda sa katawahan panahon nga magkuha og finger print didto na sa prisohan himuon ug ipagawas lang ang kamot niini lakip ang pagkuha og mug-shot ang kauban ra nga piniriso maoy mokuha ug hulagway aron wala nay mga pagduda.
Kahinumdoman usa ka suspek sa pagpanglugos og 5 anyos nga bata nga nailing si Eduardo Secondes ang napusilan-patay human nangilog og pusil sa pulis samtang gikuhaan og finger print sulod sa presinto dos sa kapolisan.
RadyoMan Don Pulayao
