Wala sang problema suno kay South Cotabato Provincial Treasurer Alvim Batol kon mauna gid man patigayon sang auction sale sa real property ang City Treasurer sang Koronadal sa bulan sang Agusto tungod makapaayo man suno pa ini agud nga mangin aware ang mga taxpayers.
Ini matapos nga ang nauna nga plano sang Provincial Treasurer nga iupod ang syudad sang Koronadal sa patigayunon nga auction sale sa real property sa bulan sang Oktubre ukon Nobyembre agud nga mangin provincewide.
Suno kay Batol nagalab-ot sa masobra P99 million ang dapat nga kolektahon nila sa delinquent taxes sa RPT.
May-angot sini, ginaawhag sang Provincial Treasurer ang mga taxpayers nga kon makabaton sang notice of delinquency ukon warrant of levy magpadulong lang sa iya nga opisina agud nga maistoryahan kon ano ang sarang nga mahimo.
