Davao City- Uyon ang Philippine Drug Enforcement Agency kun Pdea XI kung ibalik ni Presidente Rodrigo Duterte sa Philippine National Police kun PNP ang pagpanguna sa operasyon sa iligal nga droga.
Sumala sa bag-ong nilingkod nga PDEA XI Regional Director Retired Police Senior Supt. Antonio Rivera nga pabor usab siya kun ibalik sa kapulisan ang pagpanguna sa pagsugpo sa iligal nga droga aron mas mapakusgan ang mga operasyon batok sa mga gidiling droga.
Matud ni Rivera nga bisan pa man dunay kakulangon sa personahe sa ilang buhatan aron mas pakusgan pa ang anti-drug operations apan dako gihapon ang iyang pagsalig sa iyang mga kauban tungod sa ilang dedikasyon sa trabaho.
Karong adlawa ang unang paglingkod ni Rivera isip Regional Director sa PDEA ug sumala pa niya prayoridad niya karon nga tutukan ang mga High Value Targets ingon man mga users ug pushers sa iligal nga droga.
RadyoMaN Don Pulayao
