South Cotabato- Malampusong napugngan ang planong pagpabusikad ug Improvised Explosive Device (IED) human nga na-defused sa EOD team nga gibutang sa Lamba Patrol Base Detachment 2nd Platoon 5th, South Cotabato Civilian Active Auxiliary (CAA) Company, 72nd IB nga nahimutang sa Purok Magsaysay, Barangay Lamba Banga, South Cotabato niadtong nakalabayng adlaw.
Sa inisyal nga imbestigasyon sa kapulisan nasuta nga nakit-an sa mga nanghinlu nga Cafgu member ang maong IED nga gibutang sa punuan sa kahoy 10 metros ang gilay-on duol sa ilang detachment.
Gilayong nag pakitabang sa EOD team sa South Cotabato ang mga nasangpit diin gilayong gi-defuse ang IED.
Sa karon nagpadayon pa ang gihimong imbistigasyon sa kapulisan kalabutan sa maong insidenti ug ginasuta pa kung si kinsa ang nagbilin sa maong eksplosibo didto sa lugar.
