TACURONG CITY- NAPUGNGAN sa owtoridad ang planong pagpamomba sa grupong Bangsamoro Islamic Federation Fighters (BIFF) sa national highway, sa General Lim Street sa syudad sa Tacurong.
Kini human marekober sa kapulisan ang usa ka improvised explosive device (IED) sa may roundball sa syudad.
Sumala sa 1st Infantry Mechanized Brigade nga kini bahin lamang sa pagbalos sa grupo human sa usa ka operasyon sa Maguindanao.
Dako ang pagpasalamat sa otoridad sa pagka-alerto og dali na pagtaho sa mga residente sa maong lugar aron makuha ang ingon niini na himan nga eksplosibo.
Nakuha ang sling bag nga adunay cellophane, lansang nga gitouhang gikan sa K3 SAW ug propellant charger.
Sumala ni 1st Infantry Mechanized Brigade Commander Col. Robert Dauz na mao kini ang ikaduha na pagsulay sa pagpamomba sa BIFF sa maong lugar.
Kung mahinumdoman, Mayo 27, narekober sa kapulisan ang usa ka improvised explosive device sa atubangan sa eskuylahan sa Tacurong City, nga gilayon girespondihan sa mga owtoridad. (Jica Rose Parok MSU-Intern)
