General Santos City– sikop ang usa ka ginang samtang nakasibat ang kapuyo niini human nga gironda sa kapulisan ang ilang panimalay kalabutan sa gikaingong pagpananum ug marijuana sa mga nasangpit sa may Purok Kubay, Barangay Koronadal Proper, Polomolok, South Cotabato.
Giila ang nasikop nga si Diana Dawang Kawari residenti sa maong lugar samtang nakasibat ang live-in partner niini nga si Florence Sobrepeña.
Sa report sa Polomolok PNP nasuta nga adunay misumbong sa ilang buhatan bahin sa gikaingong kalambigitan sa mag live-in partner sa pagpamaligya ug marijuana.
Tungod niini ila dayon nga girespondihan ang lugar nga miresulta sa pagkasikop sa ginang apan wala sab nasikop ang kapuyo niini human nga nakamatikod sa presensya sa awtoridad.
Kasong kalapasan sa R.A 9165 ang gipasang-at nga kaso sa Polomolok PNP batok sa mag-live in partner.
(Photo from Web)
