Nadiskubrihan ang isa ka marijuana plantation sa Barangay Danlag Tampakan, South Cotabato kahapon sa bulig sang mga tribal leader sa lugar suno kay Chief of Police, Senior Inspector Rafael Bangay Jr.
Suno kay Bangay masobra 1,500 fully grown Marijuana plants nga nagakantidad sa P300,000 ang ila nga nagabot sa tago nga lugar sang Sitio Bongsbang sa Barangay Danlag , Tampakan.
Nakatanom suno pa ini sa tunga sa ektarya nga bahin sang nasambit nga lugar.
Apang tungod sa tuman kalayo ang plantasyon ang iban nga nagabot nga Marijuana plants ang ila ginbilin sa lugar samtang ang iban ang gindala nila sa Tampakan, Municipal Police Station.
Suno kay Bangay ang cultivator sang nadiskubrihan nga plantasyon ang napatay suno pa sa ambush sa Kiblawan , Davao del Sur tatlo na ka bulan ang nagligad.
