Davao City – Kalakip nga gipangandaman karon sa mga health authorities ang Convalescent Plasma Therapy (CPT) aron sa sulay nga pagtratar sa COVID_19.
Sa interview sa radio social commentary program ‘Straight to the Point,’ gisugilon ni Dr. Leopoldo Vega, chief sa Southern Philippines Medical Center (SPMC) nga adunay igong kapabilidad ang maong sub-national facility nga mo-undertake sa plasma therapy apan mag-agad kining tanan diha sa kumpletong guidelines sa Department of Health (DOH).
Sayo niini, gi-anunsyo ni DOH Undersecretary Ma. Rosario Vergeire nga gitun-an pa karon sa departamento ang effectiveness sa plasma therapy diha sa posibilidad nga pagtratar sa mga COVID_positive patients.
Ang Convalescent Plasma Therapy (CPT) usaka metodolohiya sa pag-transfuse og dugo gikan sa usaka nasalbar sa COVID aron ipailawom kini sa screening sa plasma nga nagbaton og mga antibodies pangontra sa maong fatal disease.
China maoy labing unang nasud sa kalibutan nga naggamit sa CPT silbing kabahin sa anti-viral treatment sa iyang mga pasyente.
Sa pagkakaron, aduna nay tulo ka mga plasma donors nga ni-boluntaryo sa UP-PGH, matud ni Dr. Angie Mirasol, head sa UP-PGH CPT.
Segun sa mga medical researchers sa mga nag-unang pharmaceutical companies sama sa Sanofi ug GlaxoSmithKline gilauman nilang mapailawom na sa clinical trials ang mga retrovirals uban ang paglaum nga mapalgan na ang antidote sa COVID sa ikaduhang semester sa tuig 2021.
Sa laing bahin, malaumon ang mga eksperto sa medisina nga makab-ot nato sa pipila ka mga bulan ang scenario nga ‘flattening of the epidemiological curve’ sa COVID kun ang peak kun worst_case scenario sa confirmed cases,deaths ingon man recoveries.
Overall strategy karon sa Duterte administration mao ang ‘test,isolate,treat’ approach gamit ang lima ka mga medical parameters kun sukdanan.
Pipila ka haligi kun pundasyon niini naglakip sa massive testing,enhanced control measures,effective containment and isolation and treatment.
RadyoMaN June Duterte
