Malaybalay City, Bukidnon – Gi-anunsyo sa Land Transportation Office kon LTO Malaybalay nga mamahimo nang makuha ang plastic nga lisensiya nga adunay lima ka tuig nga validity.
Sa interview sa RMN ngadto kang Engr. Virgilio Nanol, ang head sa LTO Malaybalay gibutyag niini nga gisugdan nila ang pagrelease kaniadtong nakalabay nga semana.
Apan gipasabot ni Nanol nga mukabat sa 10 hangtod 15 ka minutos ang proseso sa pagprint sa plastic card tungod kay aduna pay isulod nga biometrics hinungdan nga dili dayon kini makuha.
Sigun ni Nanol nga kada adlaw anaa lang sa hangtod 50 ka plastic cards ang ilang mapagawas tungod sa proseso.
First come, first serve usab daw kini ilabina nga adunay numbering na nga ilang gipatuman sa ilang buhatan.
Hangyo usab sa LTO Malaybalay Chief sa publiko nga patas-an ang pasensiya ug dili masuko kung dugay makuha ang ilang plastic nga drivers license.
