Davao City – Nigula sa resulta sa gihimong necropsy sa City Fisheries Office Davao City, BFAR XI, ug nila Dr. Elaine Vera Belvis, DVM ug D’Bone Collector’s Museum President Darrell Blatchley nga mga nakaon nga mga plastics ang gikamatay sa 15.4 ft. nga Curvier Beaked whale nga napalgan sa may Brgy. Cadunan, Mabini, Compostela Valley Province niadtong Marso 15, Biyernes.
Sa interbyu sa RMN Davao kang D’Bone Collector Museum Director ug American Biologist Darrell Blatchley nga mokabat sa 40 kilos sa plastic ang nakuha sulod sa tiyan sa maong isda lakip niini ang 16 ka sako ug mga cellophanes.
“This is got to be the absolute most plastics we have ever found in the whale, it’s even more than that 38 feet long sperm whale in Samal in 2015. This whale weigh probably 5 to 700 kilos in yet had roughly round 40 kilos of plastic inside of it, so almost 10% of it’s body weight was plastic,” matud niiini.
Kahinumduman nga niadtong Biyernes gisulayan pa kini’g pagpabalik sa dagat apan luya na kini.
Adlawng Sabado, alas-10:30 sa buntag namatay ang maong talagsaong klase sa isda human kini nisuka’g dugo.
Segun ni Blatchley nga kini ang ika-duha pa lang sa susamang klase sa whale nga nakita dinhi sa Davao Gulf human sa usa dekada nga nakalabay.
Panawagan niini sa katawhan nga magpakabana sa ilahang mga kaugalingong basura ug dili himuong labayanan og plastic ang kadagatan.
“It’s not the plastic that killed the whale but it’s the person who did not properly throw the plastics. It’s the same with the gun, the gun doesn’t shoot people but it’s the people holding the gun that shoot it. It’s every single person’s responsibility here in the Philippines nga atimanon ang iyahang basura,” segun ni Blatchley.
Matud ni Blatchley nga silbing iyahang pagedukar sa publiko buot niyang ibutang sulod sa iyahang museum ang skeleton sa maong namatay nga beaked whale uban ang mga plastics nga kawsa sa kamatayon sa mang mananap.
Sa 61 ka mga whales nga narekober ni Blatchley, 31 lang ang na-display sulod sa D’bone Collector Museum tungod wala na kiniy kabutngan sa kadaghan sa specimen.
RadyoMaN Aimee Guinita
