Davao City- Balik prisuhan ang usa ka ‘plea bargainer’ human kini nadakpan sa buy-bust operation sa Philippine Drug Enforcement Agency Regional Office XI.
Malampusong nadakpan sa may Limousine Street, Sarphil Village, Barangay Wilfredo Aquino, Agdao, Davao City ang 33 anyos nga suspek nga si Jonathan Rey Fernandez human kini mapalitan og 1 gramos o anaa sa P15,000 nga shabu sa PDEA agent.
Sumala sa PDEA XI nga kanhi na kining napriso niadtong April 29, 2016 tungod sa possession of illegal drugs kun paglapas sa RA 9165 Section 11.
Ni-avail si Fernandez og plea bargaining apan nagpadayon gihapon kini sa maong iligal nga aktibidad.
Priso kini karon sa detention facility sa PDEA ug kasong maypaglapas sa Sec. 5 o pagpamaligya’g droga ilawom sa Republic Act 9165 kun Comprehensive Dangerous Drugs Act of 2002 ang atubangon sa suspetsado.
RadyoMaN Aimee Guinita
