Sistema sa pagtabang sa quake victims, gi-plastar

17

Davao City – Aron nga malikayan ang kagubot og mamahimong han-ay ang pagtunol ug pagpang apod-apod sa mga tabang sa mga biktima sa linog partikular na sa Magsaysay, Davao del Sur, nagbaton karon og sistema ang lokal nga panggamhanan sa lugar.

Sa interbyu sa DXDC RMN Davao kang Anthony Allada, information officer sa Magsaysay, gibutyag niini nga ang mga sakyanan nalang sa matag barangay ang mukuha sa mga tabang ug maoy muapod-apod ngadto sa ilang mga lumulupyo.


“Naa may mga disaster vehicles sa mga barangay, ginapakuha na namo. Sila na ang mo-distribute,” saysay ni Allada.

Gi-awhag usab ni Allada ang mga buot pa nga mupaabot sa ilang tabang nga magpalista daan sa Incident Command Post sa lugar aron makuyogan ug mahan-ay ang ilang pagpaabot sa ilang donasyon.

“Gina-encourage gyud namo kutob sa mag donate mo log in gyud diri sa Incident Command Post, dili muderitso sa ilang intended nga gusto adtoan. Tendency ana, dili sila makuyogan, dili sila ma-set up didto sa barangay lagmit gyud na nga dugukon gyud sila,” tataw ni Allada.

Nasayran nga padayong naga abot ang tabang sa nahisgutan ug daghan usab ang mipaabot sa ilang tabang pinaagi sa RMN Foundation alang sa nabiktima sa linog.

RadyoMaN Kirby Manzon

Facebook Comments

From Advertisers